Ikaragarri pozten nau euskalblogosfera.org proiektua aurrera doala ikustea. Gaur beste blog batzuen RSSa sartu behar izan ditut eta bi egun pasatu direlarik 30 blog ingururen jarioa sartu dugu bloger euskaldunen planetan. Ze izen aukeratuko dugu planetarentzako?

Abenduaren 3a ospatu nahi nuen eta nire lan esparrua Internet denez proiektu hori etorri zitzaidan autoa gidatzen nengoela, denbora apur bat hartu nuen eta bloga aurrera ateratzeko hack.in#badakigu elkartearen baitan proiektu bezala sartu nuen, baina noski, guztientzako sorpresa bat izatea nahi nuen, beraz ez nion ezer kontatu elkarteko inori, eurentzako ere opari bat izanik.

Euskal blogosferako komunitateak oso ondo hartu du proiektua eta orain hack.in#badakiguko elkartekideon artean mantendu nahi dugu, zuek ere animatuz gero, etorri gurera

Oraindik BETA fasean dago, beraz lantxo batzuk baditugu bere mantenduan eta baita korean ere… Arazo batzuk ematen dizkit blogari.neteko feedak sartzen dizkiodanean, dena den oraindik ez dut zergatia aztertu, baina lasai, zubia daukagu, beraz konpontzeko gai izango garela uste dut eta horrela ez bada… Komunitateari laguntza eskatuko diogu.

Denon artean elikatu beharko dugu, beraz, denon artean landu ere landu beharko dugula jakin badakigu

Beste barik asko eskertu nahi dizuet/dizuegu proiektu honekiko hartu duzuen jarrera, mila esker komunitatea!

Esker bereziak eman nahi dizkiot hemendik blogeko banerraren diseinua egin digun (eta zerbait gehiago egingo digun) lagunari. Raul, eskerrik asko txo! hack.in#badakigu zu ere bazara! Diseinatzaile ofiziala behintzat

Iturria: Dabid.net

Alakrana barkuaren inguruko berrien berri izan nahi baduzu, elkartetik webgune berri bat sortu dugu:

http://alakrana.hackinbadakigu.net/

Zabaldu berria sarean gure politikarik nortzuk garen jakin dezaten!

Era berean hack.in#badakigu elkartetik arrantzaleen familiekin bat egiten dugu gure agurrik beroena eskaintzen eta bihotzez espero dugu sarean burutuko dugun lana probetsuzkoak izatea. Besarkada bat!

 

Beste behin ere gure lagun giputzekin izan gara Oiartzunen. KKKPen VII edizioa burutu dugu eta oraingoa elektronika plater gogor moduan izan badugu ere, beste gai batzuk ere jorratu ditugu, SQL injection, Telecom paketea, zerbitzariak segurtatzeko moduak...

Zein webgune erabiliko dugun kontsensura eldu gara beraz, badakizue, hemendik gutxira webgune berri bat aurkeztuko dizuet.

Oraingoz argazkiak flickrseko nire kontura igotzen nabil eta badakizu, guzti hau eta gehiago Creative Commons By-Sa lizentzia baten menpe.

Hona hemen argazki batzuk.

Software librea maitatzen dugunok elkarrekin geratu gara gehien gustatzen zaiguna aztertzeko, teknologia berriak. Euskal Herrian bizi garenez jan-edana ere ez da falta izan

Hurrengoa Abenduaren 12an Bakion izango dela aurreikusten dugu!

Pasa den asteko barikuan, nick dut nikeko lagunek elkarrizketa egin ziguten ETB3ko nick dut nik programan emititzeko. Elkartetik eskerrak eman nahi dizkiegu eta sortu duten bideoarekin oso pozik gaudela jakin dezaten nahiko genuke.

Hemen bideoa: