Hack.in#badakigu 3.0

Greba orokorrerako #m30greba webgune herrikoia martxan jarri dugu

dabid — Tue, 21 May 2013 16:25:29 +0000

Greba Orokorrari buruzko informazio gune alternatiboa da.

Hau pikete informatibo bat da.
Greba Orokorra .info egin genuen aurreko urteetan, eta GO erreportariak kalera atera ginen, grebari buruz informatzera.
Telebista herritar bat muntatu genuen, hizkuntza ezberdinetan emititu zuena, Internetetik mundura.
Kalean argazkiak atera, bideoak grabatu, iritziak zabaldu genituen
Informazioa, salaketa, kontrainformazioa, pikete informatiboa…

Hau gune ireki bat da, eta zuk ere parte hartu dezakezu.

Nola part hartu!

Formulario honen bitartez zure herri edo auzoetako ekimenez abisatu dezakezu, lau kategoria ireki ditugu. Zalantzak izatekotan jarraitu bideo hau:

Greba orokorreko bideoak: Kalean gertatzen dena bideoen bitartez komunikatzeko (erabili YOUTUBE) eta hemen estekatzeko.
Greba orokorreko argazkiak: Bi aukera dituzu, interneteko edozein txokotara igo eta gero zure berrian estekatu edo argazkia zure mugikorretik zuzenean hona igo.
Piketeen kontrako karga polizialak: Zerbait gertatu da eta komunikatu behar duzu? Indarkeria poliziala jasan duzue? Igo hona zure berri eta bideo edo argazkiak!
Egiaztatutako deialdiak: GO mahai informatibo bat egongo da, Euskal Herriko gune desberdinetako aktibistok osatuko duguna. Kategori honetan guk onartutako berriak joango dira.
Greba orokorreko deialdiak: Txoko honetan zure herri edo auzoko deialdiak publikatzeko aukera izango duzu.

Kalean nago!!!

Kaletik zure smarthphonearekin

Android edo Iphone sistema eragilea duen terminal bat daukazu? Kaletik zuzenean erreportatu dezakezu, argazkiak edo bideoak bidaliz aplikazio hauek erabiliz:

ANDROID | IPHONE

Konfigurazio parametroak hurrengoak dira:

Enter name: Greba orokorra
Enter description: Greba orokorreko herri komunikazio plataforma
Enter URL: http://greba.hackinbadakigu.net/

Lizentzia

Informazio librea, langileen, langabetuen, emakumeen, gazteen, ikasleen alde…. zu ere greba orokorra lantzen eta zabaltzen.

Plataforma honetara igotzen den material guztia CREATIVE COMMONS BY-SA 3.0 lizentzia izango du.

Interneten segurtasunez jarduteko tailerra

dabid — Wed, 15 May 2013 21:32:41 +0000

Egizu klik handiago ikusteko

Gaur bertan aurkeztu dugu Software Librearen aldeko mozioa

dabid — Fri, 26 Apr 2013 10:04:19 +0000

Hilabete atzeratu gara, baina herriak eta udalak izaten ohi dituen dinamikak direla medio, egia esan, ez genuen mozioaren eztabaida aurrekontuen eztabaidarekin batera egin nahi, baina gure plangintza atzeratzen ari zenez, Maiatzean sartzeko aukera ikusi eta horrela egin dugu. Askok jakingo duzuen moduan, mozioa erregistratu aurretik, udala osatzen duten talde politiko guztiekin eztabaidatu nahi genuen mozioaren edukia, ahalik eta adostasun handienak lortzeko. Udal gobernuan dagoen taldeak, Bilduk, gurekin bilera egiteko prestutatuna erakutsi du, gaia seriotasunez jorratuz. Eurekin egindako bileretan mozioaren aldeko apustua egitea aurreikusten zuten, ea ze moduz doan osoko bilkura eta zein den bozka.

Bestalde, oposizioarekin, EAJ-PNV taldearekin biltzeko behar bezalako komunikazio bideak erabili izan arren, 4 e-mail, 3 dei udaletxera eta Twitter, ez dugu inolako erantzunik jaso. Gure balorazioa ez da oso positiboa, herri mugimendutik, guztiona den udalari hobekuntzarako laguntza eta aholkularitza emateko prestutasuna aurkezten duen talde bati ateak itxi dizkiotela uste bait dugu. Halere, osoko bilkura ospatu aurretik haiekin egoteko gure esku dagoen guztia egiten jarraituko dugu.

Informazio zuzena eta egunekoa jaso nahi izatekotan badakizue, Twitter bitartez @hackinbadakigu erabiltzailea jarraitzen baduzue gure berri izango duzue.

Gazte Danbadan teknopolitika tailerra emango dugu

dabid — Sat, 02 Mar 2013 22:13:54 +0000

Zapatuan izango da, goizeko 10etan hasita, bertan segurtasun digitalaren inguruan arituko gara gerturatzen diren aktibista gazte eta ez hain gazte guztiekin. Erraminta digitalak modu seguru baten erabiltzen ikasiko dugu eta era berean gure buruaren ahalduntze kolektiboa bultzatzeko aukera digital desberdinak aurkeztu eta eztabaidatuko ditugu.

Gaur egun sistemaren aurka borrokan ibiltzen garen ehunka lagun ordenagailuak erabiltzen ditugu, baina seguru dago gure informazioa disko gogorretan? Seguru gaude ezabatu dugun fitxategia ondo ezabatu dugula? Seguru ibili gaitezke gure posta elektronikoa inor irakurtzen duen jakin barik? Tailer honetan, besteak beste, gure bizi digitala zifratzen ikasiko dugu, disko gogorrak, pendriveak, posta elektronikoa…

GPG, Truecrypt, secure-delete…, erreminta guzti hauek eta beste batzuk aurkeztuko ditugu. Segurtasunaren garrantziaz jabetzeko esparrua izango da, animatu eta parte hartu.

Publikatzen dugun material guztia copyleft lizentzia izango du gero beste esparru eta foro batzuetan erabili ahal izateko.

Bermeoko Udal Gobernua software librearen alde

joseba — Wed, 27 Feb 2013 19:30:54 +0000

Gaur, hack.in#badakigu informatika elkartea Bermeoko Udal Gobernuarekin bildu gara, software librearen aldeko ponentzia aurkezteko. Udalak ponentziaren alde duen prestutasuna azaldu digu eta 2007. urtetik orain arte software librerantz emaniko pausuak ere azaldu dizkigu barne-txosten batean. Modu positiboan baloratu dugu orain arte Bermeoko Udalak software librea erabiliz egin duen guztia.

Software librea ezagutzen dutela erakutsi digute, eta filosofiarekiko atxikimendua adierazi, oso garrantzitsua iruditzen zaizkie teknologia askeak, batez ere burujabetza teknologikora iristeko.

Udaletxean erabiltzen den software guztia librea izan behar dela argi geneukan batzar honetako guztiok, baita ere lan honek duen konplexutasunean. Argi daukagu lan hau egun batetik bestera egitea ezinezkoa dela. Hau dela eta migraketa progresiboa proposatu dugu, adibidez aplikazio jabedun bakoitza bere baliokide librearekin banan-banan ordezteko, langileak trebatzen ditugun bitartean.

Beste bilera bat daukagu aurreikusita oposizioarekin. Proiektuaren bilakaera aurrera doan heinean albiste berriak ekartzen jarraituko dugu.

Bide batez, bilera honetarako sortu dugun material berria gorde dugu Taberna birtualean, eta proiektuko eduki guztiak talde-wikiko Software librearen aldeko mozioa 2013 orrialde honetan antolatu.

Oraindik emendakinak egiteko epea irekita dagoela gogorarazten dizuegu. ¡Parte hartu!